| 8:1 | Maka djoemlahnja segala perkara jang terseboet itoe bagini: {Ibr 3:1; 4:14; 6:20; 9:11} Bahoea adalah sama kita-orang satoe Imam-besar, {Ibr 12:2; Efe 1:20; Kol 3:1} jang doedoek dikanan krosi-karadjaan jang maha moelia dalem sorga. |
| 8:2 | Ija-itoe sa-orang jang mengerdjaken tampat soetji dan taroeb jang bener, jang soedah diperdiriken olih Toehan, boekan olih manoesia. |
| 8:3 | Karna masing-masing imam-besar itoe soedah ditantoeken akan mempersembahken persembahan dan korban; {Efe 5:2} maka sebab itoe patoet ini djoega ampoenja apa-apa, jang bolih dia persembahken. |
| 8:4 | Karna kaloe Toehan lagi dia-atas boemi, tidak patoet Dia mendjadi imam, sebab soedah ada imam-imam, jang mempersembahken korban menoeroet toret; |
| 8:5 | {Ibr 10:1; Kol 2:17} Maka itoe orang berchidmat menoeroet toeladan dan bajang-bajang perkara jang disorga, saperti prentah Allah sama nabi Moesa, {Kel 25:40; Kis 7:44} kapan dia maoe membangoenken taroeb-sembajang, katanja: "Lihatlah, sopaja angkau perboewat segala perkara itoe menoeroet toeladan, jang ditoendjoek sama angkau di-atas goenoeng." |
| 8:6 | {2Ko 3:6} Tetapi sakarang Toehan soedah berolih djawatan jang mendjadi Pengantara waad jang terlebih baik, ija-itoe jang ditetepken atas perdjandjian jang terlebih baik adanja. |
| 8:7 | Karna kaloe jang pertama itoe tidak barang katjelaannja, soenggoeh tidak ditjariken tampat bagi jang kadoewa itoe. |
| 8:8 | Karna dengan mensalahken dia ada firman sama dia-orang, boenjinja: {Yer 31:31-34} "Lihat, satoe hari nanti dateng, bagitoe firman Toehan, kapan Akoe nanti mendiriken perdjandjian jang baroe bagi isi roemah Israil, dan isi roemah Jahoeda:" |
| 8:9 | "Boekan saperti perdjandjian, jang soedah Akoe boewat sama nenek-mojangnja pada hari, tatkala Akoe pegang tangannja akan menghantarken dia-orang kloewar dari negari Mesir; karna dia-orang tidak tinggal tetep dalem perdjandjiankoe itoe, maka tidak akoe endahken dia-orang lagi, bagitoelah firman Toehan." |
| 8:10 | "Karna inilah perdjandjian, jang Akoe nanti boewat sama isi roemah Israil sasoedahnja itoe hari, bagitoe firman Toehan: {Yer 31:33} Akoe nanti taroh prentahkoe dalem ingetannja, dan menjoeratken dia dalem hatinja, {Zak 8:8} dan Akoe nanti mendjadi Allahnja, dan dia-orang nanti djadi oematkoe." |
| 8:11 | {Yoh 6:45,65; 1Yo 2:27} "Dan tiada dia-orang nanti mengadjar lagi masing-masing sama orang sakampongnja, atawa masing-masing sama soedaranja, katanja: Biar angkau taoe sama Toehan, karna samowanja nanti mengenal sama Akoe, dari jang terketjil sampe jang terbesar." |
| 8:12 | "Karna Akoe nanti mengampoeni segala salahnja dan dosanja, dan sama kadjahatannja tidak Akoe inget lagi." |
| 8:13 | Maka kaloe firman Toehan: "satoe jang baroe," Dia djadiken jang pertama itoe lama. Maka sakarang jang boeroek dan toewa ija-itoe hampir hilang adanja. |
Ibrani 8 - Alkitab Klinkert 1863
