10:1 | Bahoewa sakarang akoe ini Paoel minta sama kamoe, dengan sabar dan kamoerahan Kristoes, akoe jang rendah kapan akoe di-antara kamoe, tetapi brani sama kamoe kapan akoe djaoe; |
10:2 | Maka akoe djoega minta sama kamoe, sopaja kapan akoe di-antara kamoe, djangan akoe brani dengan katantoean, saperti akoe ada ingetan djadi brani sama bebrapa orang, jang kiraken kita ini menoeroet hawa-napsoe. |
10:3 | Karna maski kita hidoep dalem satoe badan jang bernapsoe, tiada djoega kita melakoeken perang toeroet hawa-napsoe; |
10:4 | {Efe 6:13} Karna segala sendjata peprangan kita itoe boekan hawa-napsoe, melainken koeasa dari Allah {Yer 1:10} akan meroeboehken segala benteng jang tegoeh-tegoeh. |
10:5 | Sampe kita merombak segala ingetan dan kabesaran hati, jang meninggiken dirinja melawan pengataoewan Allah, serta kita membawa segala pikiran kapada tawanan akan menoeroet Kristoes; |
10:6 | Dan kita ada sadia akan membales segala doerhaka, kapan toeroetan kamoe soedah samporna doeloe. |
10:7 | Maka sebab kamoe pandang sama perkara jang dihadepan matamoe, kaloe barang sa-orang kiraken dirinja sendiri Kristoes poenja, biar dia berpikir lagi dalem hatinja, saperti dia Kristoes poenja, bagitoe djoega kita Kristoes poenja. |
10:8 | {2Ko 13:10} Karna maski akoe memoedji terlebih banjak dari koeasa kita, jang soedah dikasih Toehan sama kita akan membangoenken, boekan akan meroeboehken kamoe, maka tiada oesah akoe maloe. |
10:9 | Sopaja djangan kiranja saperti akoe maoe menakoeti kamoe dengan soerat-soerat kiriman itoe. |
10:10 | Karna dia-orang berkata: soerat-soeratnja itoe berat dan keras adanja, tetapi koetika badannja ada bersama-sama berhadepan, ija-itoe lembek, dan perkataannja hina. |
10:11 | Maka biar orang itoe berpikir bagini, bagimana perkataan kita dalem soerat kiriman itoe kapan kita djaoe, soenggoeh bagitoe djoega kapan kita ada bersama-sama. |
10:12 | {2Ko 3:1; 5:12} Karna kita tra-brani menghitoeng diri kita dalem bilangan, atawa samaken diri kita dengan bebrapa orang jang memoedji dirinja, tetapi dia-orang bodoh, karna dia-orang mengoekoer badjoe dibadan sendiri, dan membandingken dirinja sama dirinja sendiri. |
10:13 | Tetapi kita tra-maoe memoedji lebih dari oekoeran; {Efe 4:7} melainken dengan toeroet oekoeran tali sipat, jang dibagi-bagi Allah sama kita, maka dari itoe soedah kita bolih sampe sama kamoe djoega. |
10:14 | Karna tiada kita meregangken diri kita terlaloe, saperti kaloe kita tiada sampe sama kamoe djoega dengan mengadjar indjil Kristoes. |
10:15 | Maka tiada kita membesarken diri kita lebih dari oekoeran, ija-itoe dalem pakerdjaan lain orang, tetapi kita harap, kapan pertjajamoe soedah bertambah-tambah, bahoea kita nanti dibesarken di-antara kamoe toeroet oekoeran kita itoe. |
10:16 | Sampe kita mengabarken indjil dalem djadjahan jang disablah sana kamoe; dan boekan sopaja kita membesarken diri kita dari perkara jang soedah sadia dalem oekoeran orang lain. |
10:17 | Maka orang {Yes 65:16; Yer 9:23; 1Ko 1:31} "jang membesarken dirinja, biar dia membesarken dirinja karna Toehan." |
10:18 | {Ams 27:2} Karna boekan orang jang memoedji dirinja sendiri itoe baik oedjinja, melainken orang jang dipoedji Toehan. |