SABDAweb ©
Bible
Chapter
28 Mar 2024 | Home | Bible | Biblical | Tools | Download | | SiteMap |
Bible Versions
Alkitab Terjemahan Baru
Alkitab Kabar Baik (BIS)
Firman Allah Yang Hidup
Perjanjian Baru WBTC [draft]
Alkitab Terjemahan Lama
Kitab Suci Injil
Alkitab Shellabear [draft]
Alkitab Melayu Baba
Alkitab Klinkert 1863
Alkitab Klinkert 1870
Alkitab Leydekker [draft]
Alkitab Ende
TB Interlinear [draft]
TL Interlinear [draft]
AV with Strong Numbers
Bible in Basic English
The Message Bible
New King James Version
Philips NT in Modern English
Revised Webster Version
God's Word Translation
NET Bible [draft]
NET Bible [draft] Lab
BHS with Strongs
Analytic Septuagint
Interlinear Greek/Strong
Westcott-Hort Greek Text
Textus Receptus

Introductions
Pengantar Full Life
Pengantar BIS
Pengantar FAYH
Pengantar Ende
Pengantar Jerusalem
Pengantar Bible Pathway
Intisari Alkitab
Ajaran Utama Alkitab
Garis Besar Full Life
Garis Besar Ende
Garis Besar Pemulihan
Judul Perikop Full Life
Judul Perikop BIS
Judul Perikop TB
Judul Perikop FAYH
Judul Perikop Ende
Judul Perikop KSI
Judul Perikop WBTC

Verse Notes
Catatan Ayat Full Life
Catatan Ayat BIS
Catatan Ayat Ende
Catatan Terjemahan Ende
Catatan Ayat Jerusalem
Referensi Silang TSK
Referensi Silang TB
Referensi Silang BIS
Santapan Harian

Dictionaries
Kamus Kompilasi
Kamus Easton
Kamus Pedoman
Kamus Gering
Maps

Lexicons
Greek Lexicon
Hebrew Lexicon
Acts 28 - Alkitab Melayu Baba
Introduction Introduction | Read Again...
Previous bookNext bookPrevious chapterNext chapter
28:1Bila sudah slamat, bharu-lah kita tahu yang itu pulau bernama Mlita.
28:2Dan anak negri itu tunjokkan sama kita bukan s-barang punya kasehan: kerna dia-orang pasangkan api, serta sambot sama kita smoa, sbab hujan yang ada turun, dan sbab sjok.
28:3Ttapi bila Paulus sudah pungut brapa banyak ranting dan tarohkan di atas api, ada satu ekor ular terkluar sbab kna panas, dan terlngkat tangan dia.
28:4Bila anak-negri itu tengok ini binatang bergantong di tangan-nya, dia-orang kata satu sama lain, "Tntu-lah dia ini satu orang pmbunoh, kerna sunggoh pun dia bharu terlpas deri laut, ttapi pmbalasan yang bnar t'ada kasi dia hidop."
28:5Ttapi Paulus kbaskan itu binatang jatoh dalam api, dngan t'ada kna satu chlaka pun.
28:6Dia-orang nanti-nantikan dia naik bngkak atau jatoh mati dngan sgra: ttapi bila sudah lama dia-orang nantikan, dan t'ada tengok apa-apa malang datang atas dia, dia-orang berubah fikiran-nya pula, dan kata yang dia satu datok.
28:7Dkat-dkat itu tmpat ada brapa kping tanah yang gobernor itu pulau punya, bernama Publius, dan dia sambot sama kita, serta tumpangkan kita tiga hari punya lama dngan budi-bhasa-nya.
28:8Dan Publius punya bapa pula ada terbaring sakit dmam dan buang ayer darah: Paulus masok jumpa sama dia ini, dan bila dia sudah minta do'a dan taroh tangan atas dia, dia smbohkan.
28:9Bila ini perkara sudah jadi, lain-lain orang sakit di pulau itu datang k-pada Paulus, dan sudah di-smbohkan:
28:10dan ini orang smoa hormatkan kita dngan banyak hormat, dan bila kita blayer dia-orang bawa naik kapal apa-apa yang berguna sama kita.
28:11Tiga bulan kmdian kita blayer, dalam s-buah kapal yang deri Iskandariah, yang sudah tinggal di situ dalam musim sjok, dan tanda-nya, "Adek-beradek berkmbar."
28:12Kita singgah di Surakusa, dan tinggal di sana tiga hari punya lama;
28:13deri sana kita blayer berpal-pal sampai Region: dan besok-nya turun angin slatan, jadi lusa-nya kita sampai di Potioli:
28:14di situ kita jumpa sudara-sudara, yang jmpot kita tinggal sama dia-orang tujoh hari: jadi bgini kita sampai Rom.
28:15Dan sudara-sudara, bila dia-orang dngar deri-hal kita, datang deri situ sampai di Pasar Appius dan Kdai Tiga mau jumpa sama kita: bila Paulus tengok dia-orang, dia mnguchap shukor k-pada Allah, dan ttapkan hati.
28:16Bila kita sudah masok Rom, Paulus dapat izin tinggal s'orang-s'orang dngan itu soldado yang jaga dia.
28:17Tiga hari kmdian Paulus panggil kpala-kpala orang Yahudi, dan bila dia-orang sudah berhimpon, dia kata sama dia-orang, "Hei sudara-sudara, sunggoh pun sahya t'ada buat satu apa pun yang mlawan kita punya bangsa atau adat-adat nenek-moyang kita, ttapi sahya sudah kna jel, dan di-srahkan deri Yerusalim k-pada tangan orang Rom:
28:18dan bila sudah preksa sahya dia-orang mau lpaskan, kerna t'ada satu apa dalam sahya yang sahya patut kna mati.
28:19Ttapi bila orang Yahudi lawan sama itu bichara, terpaksa-lah sahya minta mngadu sama Kaisar; ttapi bukan-nya sbab sahya ada apa-apa mau d'awa atas bangsa sahya.
28:20Ini sbab-lah sahya sudah minta kamu datang mau berjumpa dan berchakap: kerna deri sbab orang Isra'el punya harap sahya kna ini rantai."
28:21Dan dia-orang kata sama dia, "Kita ini blum trima surat deri Yahudiah deri-hal angkau, dan lagi antara sudara-sudara itu t'ada satu orang pun datang sini yang khabarkan atau kata apa-apa angkau punya salah.
28:22Ttapi kita suka dngar angkau katakan angkau punya fikiran: kerna deri-hal ini kampongan, kita tahu yang sana-sini orang ada chlakan."
28:23Dan bila dia-orang sudah tntukan satu hari sama Paulus, lbeh banyak orang datang masok rumah yang dia tumpang; dan k-pada dia-orang dia artikan hal itu, sambil bersaksi deri-hal kraja'an Allah, dan pujok dia-orang deri-hal Isa, baik deri-pada hukum-taurit Musa, baik deri-pada kitab nabi-nabi, deri pagi sampai malam.
28:24Dan ada orang perchaya perkara yang dia kata, ada orang pula t'ada perchaya.
28:25Dan sbab orang-orang itu t'ada s-tuju satu sama lain, dia-orang pergi, bila Paulus sudah kata ini s-patah, "Btul-lah Roh Alkudus sudah kata oleh nabi Yash'aya k-pada kamu punya nenek-moyang,
28:26kata-nya, 'Pergi-lah angkau k-pada ini bangsa dan kata, Kamu dngar punya dngar, ttapi skali-kali t'ada kamu nanti mngerti: Dan tengok punya tengok, ttapi skali-kali t'ada kamu nanti nampak:
28:27Kerna ini bangsa punya hati sudah jadi kras, Dan dia-orang punya kuping sudah brat mau dngar, Dan mata-nya pun sudah dia-orang tutopkan: Spaya jangan skali-kali dia-orang nampak dngan mata-nya, Dan dngar dngan kuping-nya, Dan mngerti dngan hati-nya, Dan bertobat, Dan sahya smbohkan dia-orang.'
28:28Sbab itu, biar-lah kamu tahu yang ini slamat Allah sudah di-kirimkan k-pada orang bangsa-asing: dan dia-orang nanti dngar juga."
28:29[KOSONG]
28:30Paulus tinggal gnap dua tahun punya lama dalam rumah sewa-nya sndiri, dan sambot smoa orang yang pergi mlawat sama dia,
28:31serta khabarkan kraja'an Allah, dan mngajar orang sgala perkara deri-hal Tuhan kita Isa Almaseh dngan sangat brani-hati, dan t'ada kna larang.
Previous page Top Next page
< ABLE align="center" width="700" border="0" cellspacing="0" cellpadding="0" id="b"> | About Us | Support Us | F.A.Q. | Guest Book | YLSA Sites |copyright ©2004–2015 YLSA